اولا
فيه مواصفات خاصة للقهوة
نوعها قهوة خولاني وسط بدون اضافات لان بعض المحلات يخلطها مع اشياء تخرب طعمها
ايضا الزعفران اما تحطين زعفران ايراني اللي زي الشعيرات او فيه انواع طلعت ارخص وتأثر نفس التاثير والريحة المعروفة للزعفران اسمها زعفران ريحة مطحون وتجي العلبة ب15 ريال تكفيك 3 الى 4 شهور لانك ماتحتاجين تكثرين زي الزعفران العادي
بسم الله
http://farm3.static.flickr.com/2121/...84d52d.jpg?v=0الطريقة
1/ تحطين مويه في البكرج (اناء القهوة ) الى النصف تكون مغلية
2/ عليها تحطين 4 ملاعق مقببة قهوة خولاني (مقببة = مليانة مش ممسوحة )
3/ وتحطين رشة زعفران يعني مايوازي نصف ملعقة تحريك الشاي
4/ ملعقة شاي زنجبيل مطحون
5/ ملعقة شاي نخوة = نانخة
6/ 3 حبات فقط زر = مسمار = عويدي
7/ ملعقة صغيرة (صغيرة حقت الحلى مش ملعقة تحريك الشاي ) نسكافيه
8/ طبعا عشان النسكافيه ماتغمقها تحطين ملعقة صغيرة بودرة تبييض (مثلا كوفي ميت مع انهم يحذرون منه يقولون فيه ميلامين سام )
9/ ربع عود قرفة يعني شي بسيييط مرة
10 / ملعقة شاي سمسم فيه ناس مايحطونه هذا اختياري بس نكهة السمسم معاه روعه
11/ تتركينها تغلي قد ماتقدرين مو اقل من 10 دقايق ولو تجلس تغلي نص ساعة او 40 دقيقة بتكون روعه قصري النار عليها وخليها تغلي تفوح ريحتها بالبيت آآآآآآآآه يازينها <<<<< عاشقة ايضا للقهوة
12/ تجهزين الترمس او الدلة وعليها الصفاية او المشخال
13/ قبل لاتطفين النار تحطين عليها 4 ملاعق شاي هيل مطحون وبس تقلب قلبة حدة يعني فورة وحدة وتطفين لانها لو طولت تغلي بالهيل تسير طعمها قديمة ومرة
14 / على طول طفي النار وصبي عليه كوب ماء مغلي
وخليها تركد شوي يعني ترتاح بس دقيقتين عشان لاتبرد
وصفيها في الترمس على طول
15/ جيبي فنجال وصبي لك فنجال وذوقي وتمتعي بالطعم/
16/قبل لاتروحين تسوينها هذا اهم شرط عشان تضبط معك >>>>>>>>>ردي علي وارفعي معنوياتي وادعي لي ربي يحقق اللي ببالي ويحفظ لي اهلي
تبون تسير الذ والذ
جربوها مع حلى قهوة مثلا هذا اكيد تعرفون طريقته ولو ماعرفتوها انقلها لكم ولايهمكم
شكله يشهي وفخم
او مع هالحلويات اذا تعبتي من القهوة ومافيك تسوين حلى معاها
ياااااااااااااااااااااااااااااااااااااااااي
